კურორტზე შესაძლებელია შემდეგი დაავადებების მკურნალობა:

1.გულსისხლძარღვთა სისტემის დაავადებები:

• I-II ხარისხის ჰიპერტონიული დაავადება
• გულის იშემიური დაავადება I-II ფუნქციური კლასის დაძაბვითი სტაბილური სტენოკარდია;
• რევმატიზმი;
• ვეგეტოსისხლძარღვითი დისტონია;
• ინფარქტისშემდგომი კარდიოსკლეროზი

ურეკში დასვენებისას და მკურნალობისას ადამიანის ორგანიზმზე კომპლექსურად მოქმედებს რამდენიმე ბუნებრივი და ფიზიკური ფაქტორი – ზღვის კლიმატი, თბილი ქვიშის აბაზანა და მცირე ინტენსივობის მაგნიტური ველი, ყოველივე ეს ქმნის საუკეთესო პირობებს გაჯანსაღებასა და დასვენებისათვის.
"კოლხიდა"-ში მკურნალობა ყველა ავადმყოფს ინდივიდუალურად უტარდება გამოცდილი ექიმების მეთვალყურეობის ქვეშ. სამკურნალო ფაქტორების გამოყენებას, განსაკუთრებით დადებითი შედეგები აქვს ბავშვთა დაავადებების მკურნალობის დროს. დადებითი ძვრები განპირობებულია არამარტო ქვიშის ზემოქმედებით, არამედ ურეკის ყველა კურორტული ფაქტორის ზემოქმედებით, მათ შორის "თალასოთერაპიის" გავლენითაც. ამასთანავე, ბუნებრივია არ შეიძლება გამოირიცხოს ემოციური და ფსიქოთერაპიული ფაქტორი - გარემოს შეცვლა, დასვენება, ლანდშაფტის სილამაზე და სხვა.

თქვენ მოგემსახურებიან პროფესიონალი, სერტიფიცირებული ექიმები:

• პედიატრი
• თერაპევტი
• კარდიოლოგი
• ნევროპათოლოგი
• ფიზიოთერაპევტი

ექიმის დანიშნულების მიხედვით, ჩვენთან შეგიძლიათ ჩაიტაროთ სხვადასხვა სახის ლაბორატორიული გამოკვლევები, სამკუნალო ფიზკულტურის და სამკურნალო მასაჟის სეანსები, აგრეთვე, სხვადასხვა ფიზიოთერაპიული პროცედურები.
სპეციალურად მომზადებული და კვალიფიცირებული პერსონალი, შესანიშნავი სამზარეულო ეკოლოგიურად სუფთა პროდუქტებით, გართობა და ატრაქციონები სანატორიუმის ტერიტორიაზე, კეთილგანწყობის გარემო შეგიქმნით შესანიშნავ პირობებს ჩვენს სანატორიუმში დასვენებისა და მკურნალობისათვის”